नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Saturday, September 21, 2013

सिद्धिदास बिहांचुलि म्ये

सिद्धिदास बिहांचुलि म्ये


थौंया दिन कवि गुरु सिद्धिदास बूगु रे
नेपाःमिया सरगते ते न्हूम्ह सूर्द्यो लूगु रे ।।धु।।

सुनसान सब्बु चान्हे नसंचा छु वल रे
खिमिलाया सिंहासने छथुं भुखाय् ब्वल रे
झीत धकाः न्यंकूगु म्ये झंगःतसें लात रे
आःतलें झीत हाय् ! न्ह्यो हे जकं सात रे

ह्याउँनिभाः लाछी वयाः झीत पियाच्वन रे
झ्याः तिना ख्युंनि धकाः झीपिं द्यनाच्वना रे
मुखूस्वानं सुखु चिनाः झीगु दसा क्यन रे
मिखा तिना: न्हाय्कं स्वयां थःत गनं खनी रे

सुथे सुतिं दायाः सितु झलमल धाः रे
सिद्धि लुमं झीगु नुगः ख्वख्वमख्व धाः रे
सिचु फसे झीसं खने सिद्धि हिहिलंगु रे
झंगलया सले च्वनाः चिल्लाय्दना क्यंगु रे

सरगते मिखा ब्वये नसंचासं दनाः रे
सिद्धिदास वः थें खने तुयू पलाः छिनाः रे
ह्याउँनिभाः झीत बियाः व जा लिहांवनी रे
झीसं नाला मकयाः व फसे तुं हे तनी रे

थुगु म्येया च्वमि दुर्गालाल खःसा थुगु म्ये बिहांचुलि लसय् हालीगु खः । क्वये भाजु पवित्र कसाजुं भारतया सिक्किमय् सन् २०११ य सिद्धिदासमहाजुया सम्मानय हालादीगु थुगु म्ये न्ह्यब्वया तयागु दु । थुगु म्ये नेपालमण्डल डटकम पाखें साभार कयागु जूल ।



Pabitra Kasaa sings Bihanchuli Song in memory of Siddhidas Mahaju in Nepalbhasa Literature Program in Sikkim, India (2011)

No comments:

Post a Comment