नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Sunday, June 9, 2013

संस्कृतिविद् डा सत्यमोहन जोशीया थौं ९४दँ बुदिं:

संस्कृतिविद् डा सत्यमोहन जोशीया थौं ९४दँ बुदिं: 
Article and photo credit : Rajendra Shakya
 संस्कृतिविद् लिसें नेपालभाषा एकेडेमीया चान्सलर डा सत्यमोहन जोशीं थौं ९४दँ बुदिं हनाच्वनादीगु दु। भाषारत्ना सत्यमोहन जोशी नेस १०४०दँ, बछलागा ९, थौंया हे दिनय् जन्म जुयादीगु ख:। 
झी दथुइ वयक: नेपालभाषाया ख्य:या दकलय् ज्याथम्ह साहित्यकार नं जुयादी सा भाषा-साहित्य लिसें संस्कृतिया लागिं वयक: अझं उत्तिकं हे सकृय जुयादी। फुक्क हे धैथें विधाय् ल्हा: न्ह्या:म्ह वयक:या च्वसां पाठ्यसफुतिंनिसें कया: संस्कृति, लोक साहित्य, कविता, महाकाव्य, भाषा व्याकरण, ऐतिहासिक व भावनात्मक प्याखं लिसें अनुवाद व मचा साहित्यया रचना नं या:गु दु। 
दकलय् न्हापां धर्मोदय पत्रिकाय् 'प्रार्थना' नांया कविता पिथनादीम्ह जोशीं च्वयादीगु 'जयप्रकाश' महाकाव्यया लागिं नेस १०७५दँय् 'श्रेष्ठ सिरपा' नं ल:ल्हात सा नेस ११०६दँय् 'लाकौल सिरपां' नं वयक:यात छायपिल। खय् साहित्यय् दकलय् नांजा:गु मदन पुरस्कार स्वक:तक त्याकादीम्ह सत्यमोहन जोशीयात काठमाण्डु विश्वविद्यालयं मानार्थ डाक्टर अफ लेटर्स उपाधी नं देछायधुंकूगु दु। 
गौतमबुद्ध, सिद्धिदास, न्हयदँ लिपा, वैद्यबा: थेंजा:गु प्याखं लिसें जयप्रकाश व कलाकार अरनिकोया श्वेतचैत्य थेंजा:गु महाकाव्य च्वया: नेपालभाषा साहित्यया धुकू जायकादीम्ह जोशीं 'नेपा:या बौद्ध कला', 'प्रज्ञापारमिता चर्या धारणी', व 'नेवा:तय् दकलय् सकलय् त:जिगु नख: म्हपुजा' थेंजा:गु धर्मसंस्कृति सम्बन्धी सफू नं च्वयादीगु दु।

No comments:

Post a Comment