 |
| किपाः सुगतरत्न सिन्दुराकार |
नानिचाया बलय नेवाःमिसा पिन्सं खः सालिगुयात कया, गणेद्यो व भैलद्योयात न च्वनेगु छेँ माल धैगुयात कया, नेवाः देय् दबूया मुँज्याय ब्वलंगु समस्या व उकिया समस्यायात कया नेवाः पत्रकार राष्ट्रिय दबूया सहलह मुँज्यायात कया मेट्रो एफएम न्येनामि पासापिं नाप सहलह ब्याका दिई श्रीकृष्ण महर्जनजुं ।
येंया:या नानिचा याः मिसापिन्त जक सायेकेगु तयारी
श्रीकृष्ण महर्जन
येंया:या झ्वलय् वइगु बुधवाः जुइगु नानिचा याः खुन्हु मिसापिन्सं जक खः सायेकेगु ब्यापक तयारी जुयाच्वंगु दु । नानिचा याः मिसापिनिगु नामं हे जुयाच्वंगुलिं अथे थुगुसी गणेद्यःया खः, भैरबया खः अथे हे कुमारीया खः नं मिसापिन्त हे सायेकेगु तयारी यानाच्वंगु खः ।
इन्द्रजात्रा व्यवस्थापन समितिया संरक्षक मोहनबहादुर डंगोलं उगु कथं तयारी जुयाच्वंगु स्वीकार यानादीगु दु । येंया:या झ्वलय् मिसापिनिगु सहभागीता मदयाच्वंगु अवस्थाय् मिसापिन्त नं द्यःखः सायेकेगु ज्या जुल धाःसा अझ नं येंया:या महत्व अप्वइ धकाः तायेकाः उगु कथं सहलह जुयाच्वंगु खः ।
मिसापिन्सं द्यःखः सायेकेगु ज्या जुल धाःसा मिजंपिन्सं सुरक्षा बिइगुया बारे नं व्यवस्थापन समितिइ सहलह जुयाच्वंगु खः धकाः धाःगु दु । येंया:या झ्वलय् दक्ले लिपांगु दिं कथं नानिचा याः याइगु चलन दु । थुगुसी नानिचा याः बुधवाः खुन्हु याइ । नानिचा याः उखुन्हु बसन्तपुरं न्यत, किलागः, भ्याचाद्यः, वंघः, मखं जुयाः बसन्तपुलिइ हे थ्यंकाः क्वचायेकीगु खः । येंया:या दक्ले लिपांगु नखः नानिचा याः खः । नानिचा याः खुन्हु हे यःसिं नं क्वःथलीगु चलन दु ।
No comments:
Post a Comment