नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Tuesday, August 25, 2015

गुलाम

गुलाम

सुधीर ख्वबि



Source : https://www.facebook.com/groups/nepalbhasha.sahitya/?fref=nf

गुलामत
गुलामी त्वता
स्वतन्त्रताया म्ये हालिमखु ।
थ: गथे ख:
थ:गु लागा नं
मालिकयात देछायेगु मनसुवा तयाच्वनी ।
निर्लज्जत
निर्लज्जताया गाभलं भुना
नांङाम्ह बादशाह जुइत: स्वयाच्वन।
थ: थें नतुं
दुनियाँयात
मूर्ख भापिया च्वन ।
जिगु देश
अक्षुण्ण सदां
मम्व: गुबलें न गुलामी बिपला नं ।
छुं छुं अराजक स्वार्थत
अस्थिरताया लू त
मन्चनया दिग्दर्शन यानाच्वन।
छाय् मथूगु ख:
स्वार्थ व लिप्सातयेगु
गुलामीया मोह मोहरा जुइगुया दारुणता।
चायेकी मिखा
नुग: व आत्माया छक:ला
लुमन्की अले थुइकी देशया अर्थ व मर्म ।
थन ,
निभालं मया
गुबले नं गुलामी
धरती ज आकाशया ।
न नगु तयेसं हे यात
तिमिलाया चापलुसी
न तिमिलां हे यात गुलामी सुपाँयया ।
अथेसां
छाये याई गुलामी थन
सोचत , लोभत उदाङ जुया ।
गुलामत
नतमस्तक जुया
पालिई भोसुलेगु कासा म्हिताच्वन ।
सीमा पारीतकया
कां ब्वाज्या धेंधें बल्लाय्
लिमला: निर्वाचित व मनोनित गुलामतये ।
सुरोथ,ईंट, पान व चिर
प्यम्ह थुपिं गुलामतयेगु आज्जु
छम्हं हे आका, मालिक, प्रभु ज ख्वामित् !
मालिकया स: म्हुतुइ यखाना
गुलामत गुलामी यानाचन
थ: विरुद्ध , गुलामतयेगु देश धयेकेत?

No comments:

Post a Comment