नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Thursday, October 23, 2014

झीगु ख: नेपाल संबत धइगु राष्ट्रिय भावना - लसय् हंगु विरोध

झीगु ख: नेपाल संबत धइगु राष्ट्रिय भावना - लसय् हंगु विरोध

भाजु रामकृष्ण दुवालजुं थुगु म्ये हाला दीगु खः । थुगु म्येया च्वमि भाजु दुर्गालाल श्रेष्ठ खः । थुगु म्ये 'लसय् हंगु विरोध' म्येचालय् नं दुथ्याःगु दु ।





झीगु ख: नेपाल संबत धइगु राष्ट्रिय भावना- २
झी नुग: दुने झल्ल खयेमा:
न्हूदँया शुभ-कामना, न्हूदँया शुभ-कामना
झीगु ख: नेपाल संबत धइगु राष्ट्रिय भावना

नये त्वने झी त:मि जुसां, लुँ भुनां म्हय् जुइफुसां
थ:गु देय् यदि झीगु मदुसा, मदु दहे मदु झी दुसां
ज्यान या न ज्यान झीगु छुं दुसा नेपाल दु
झीगु मौलिक संस्कृति गन, यक्व यक्व हिमाल दु
यक्व यक्व हिमाल दु
झीगु ख: नेपाल संबत धइगु राष्ट्रिय भावना- २

गन दु थीथी जाति स्वाँया नित्य मगमग वासना
लुइ कपं हिसि दयेक च्वय् गन रङ सकतां मा:हना
ख: वहे ख: झीगु नेपा:, म्हगसया मंकागु गां
कँ व पँया छ्योँ न्हुया वने लक्ष्य उगु हे ता:तुना,
लक्ष्य उगु हे ता:तुना
झीगु ख: नेपाल संबत धइगु राष्ट्रिय भावना- २

झी नुग: दुने झल्ल खयेमा:
न्हूदँया शुभ-कामना, न्हूदँया शुभ-कामना
झीगु ख: नेपाल संबत धइगु राष्ट्रिय भावना
न्हूदँया शुभ-कामना
भिंतुना शुभ-कामना
भिंतुना शुभ-कामना

आल्बम - लसय् हंगु विरोध

No comments:

Post a Comment