 |
| Kipa: Nripendra Lal Shrestha |
नेवाः देय् दबूया खुक्वगु त:मुँज्याय् अन्यौलता ब्वलना च्वंगु अवस्थाय छगु पहल कथं नेवाः पत्रकार राष्ट्रिय दबूनं याये त्यंगु वृहत अन्तरक्रियायात कया उगु मुँज्याया कजि व नेवाः पत्रकार राष्ट्रिय दबूया केन्द्रीय न्वकू भाजु सुनिल महर्जननाप सहलह ब्याका दिई मेट्रो एफएमया नेपालमण्डल दबूलिइ श्रीकृष्ण महर्जनजुं ।
नेवाः देय् दबूयात मिलेयायेगु भाला आः संरक्षक, संस्थापक व सल्लाहकारतयेगु
श्रीकृष्ण महर्जन
नेवाः देय् दबूया खुक्वःगु त:मुँज्या लिपा ब्वलंगु अन्यौलतायात कयाः च्यूताः प्वंकाः थौं बुधवाः जूगु सहलह ज्याझ्वलं आः देय् दबूया संरक्षक, सल्लाहकार व संस्थापकतलिसे सहलह ब्याकाः निकास बिइगु धकाः सहमति याःगु दु ।
नेवाः पत्रकार राष्ट्रिय दबूया ग्वसालय् जूगु सहलह ज्याझ्वलय् देय् दबूया संस्थापक दुजः प्रा. माणिकलाल श्रेष्ठ, संरक्षक लक्ष्मण राजवंशी, निर्वाचन मण्डलया कजि चन्देश्वर श्रेष्ठ, नायःया दावेदार उम्मेदवार पवित्र बज्राचार्य लगायतया व्यक्तित्वपिन्सं नेवाः देय् दबूया बारे नुगःखा तयादीगु खः ।
ज्याझ्वःया कजि नापं नेवाः पत्रकार राष्ट्रिय दबूया न्वकु सुनिल महर्जनं ज्याझ्वःया आवश्यकतायात कयाः नुगःखा तयादीगु उगु ज्याझ्वः छ्याञ्जे सुरजवीर शाक्यं न्ह्याकादीगु खःसा यल जिल्लाया नायः सुरज ब्यञ्जनकारं लसकुस न्वचु बियादीगु खः । ज्याझ्वःया दक्ले लिपा नेवाः पत्रकार राष्ट्रिय दबूया नायः श्रीकृष्ण महर्जनं अथे नेवाः देय् दबूया संरक्षक, संस्थापक, सल्लाहकार व निर्वाचन मण्डलया दथुइ सहलह ब्याकाः वनेगु धकाः निष्कर्ष न्यंकादीगु खः ।
No comments:
Post a Comment