नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Wednesday, October 3, 2012

नेवाः देय् दबूलय् च्वना च्वनिगु अर्थ मन्त : विजय प्रकाश तण्डुकार

नेवाः देय् दबूलय् च्वना च्वनिगु अर्थ मन्त : विजय प्रकाश तण्डुकार

नेवाः देय् दबू स्वनिग पिने मध्यमाञ्चलया नोकू विजय प्रकाश तण्डुकारजुं आ देय् दबूलय च्वना च्वनिगु अर्थ मदु धका अभिव्यक्ति छाय विइमाल ? केन्द्रीय समिति दुने थ्व असन्तुष्टी लिपा आ वयकपिनिगु भूमिका गुकथं जुइ । थ्व विषयलय सहलह ब्याका दिम्ह श्रीकृष्ण महर्जन ।

१. "पूर्वाञ्चलं जक प्यसः व छुं, स्वनिग दुनें न्यासः व छुं आधिकारिक प्रतिनिधि, अले मेगु स्वंगु क्षेत्रय् याना निसः व छुं जक प्रतिनिधि । का स्वइ दिसं, थ्व पायछि जुगु ला खयेमखुत ।"

"निम्ह उम्मेदवार तयगु थासय् गाक्क हे प्रतिनिधि वइगु अले स्वंगु क्षेत्रीय प्रतिनिधि तसकं म्हो जुइक जक वइगु । थ्व हिसावं देय् दबूया ज्यासना पुचः न ज्या याना च्वंगु संगठनया स्वरुप बांलाक्क देय् न्यंक न्हाना च्वंगु खने मन्त । "

२. "आ वइगु ईलय गुकथं भिंका वनेगु, थ्व दक्को नेवाः तयेगु मंका आजु पूवंकेगु नितिं दक्को नेवाः त छप्पं जुया समग्र नेवाः तयेगु छगु जक संस्था नेवाः देय् दबू धका वनेमाल । "

"नेवाः धैपिं दक्कोसिवे सभ्य, परिष्कृत जाति धाइ । नेपाः राष्ट्र नाप स्वापु दुपिं धका पहिचान दुगु नेवा तयेगु राष्ट्रिय संगठनय गुगु दुखद घटना झिसं खन व हान मजुइगु कथंया कुतः समग्र नेवाः तयसं छप्पं छधि जुया यायेमा । "

"व कुतः थन स्वनिग दुने यायेगु वातावरण मदुसा पिने स्वनिगया दक्कोसिवें नापं च्वंगु जिल्ला चितवनय् च्वपिं जिपिं नारायणघाटबासी, नेवाः तयेगु पहिचानय् दाग मलाक्क, थ्व खुक्वगु तःमुँज्या भव्य कथं सम्पन्न यायेगु जिमिगु आँट दु । "

३. "(श्रीकृष्णं न्येनादिइ) अयेसा थ्व दक्को जुगु स्वनिग दुने जुगुलिं धका स्वनिग पिनेयापिन्सं थुइकुगु ख ला कि छु ?"

"आ परिस्थिति स्वयेबलये व हे खने दत । स्वनिग दुने उखुनु खुक्वगु अधिवेशनय् पूर्वाञ्चलया नेवाः छप्पं छधि, स्वनिग दुने च्वपिं नेवाः त छप्पं छधि, मेपिं नेवाः त वातां वातां स्वइ च्वनेमाल । छिं आ धइदिसं थ्व छु ले ? थ्व छु परिस्थिति वगु ? थ्व परिस्थिति हान तुरुन्त मत्थर यायेगु नितिं थन याःसा हान व हे परिस्थिति वइधका जिं थ्व खं तइगुका । "


No comments:

Post a Comment