नेवा: स इन्टरनेट रेडियो

The Status of the radio is


Note: Please Click the play button to listen if the status is Live
Refresh the page if live and player is not responding.

Sunday, December 16, 2012

निष्ठानन्द बज्राचार्य (गद्यगुरु पण्डित निष्ठानन्द बज्राचार्य)

सन्दर्भ: गद्यगुरु पं. निष्ठानन्दया १५७ क्व:गु बुदिं नेपाल सम्बत ११३४ थिंलाथ्व तृतीया December 6, 2013  

सन्दर्भ: गद्यगुरु पं. निष्ठानन्दया १५६ क्व:गु बुदिं
नेपाल सम्बत ११३३ थिंलाथ्व तृतीया
December 16, 2012


निष्ठानन्द बज्राचार्य (गद्यगुरु पण्डित निष्ठानन्द बज्राचार्य)  

नेपालभाषा पुनर्जागरण कालया छम्ह महारथी खः । नेपालभाषां दक्कले न्हापां थासा आखलं सफू पिकायेगु श्रय निष्ठानन्दयात वनी । वय् कलं ने.सं. १०२९ स पिथनादीगु प्रज्ञापारमिता सफू हे नेपालभाषाया दक्कले न्हापांगु छापा सफू खः। च्वयेगु ब्वनेगु व न्ववायेगु भाषा अलग्गअलग्ग थें जुयाच्वंगु इलय् निष्ठानन्दं जनभाषां हे दक्कले न्हापा सफू पिकयाः नेपालभाषाय् जनअभिरुची अप्वयेकेगु ज्या यानादिल । थथे जूबलय् च्वयेगु ब्वनेगु छथी भाषा व न्ववायेगु छथी भाषा मजुल । थः न्ववायेगु भाषां हे च्वये ब्वने याये ज्यू धयागु भावना जनसाधारणयाके ब्वलन, नेपालभाषा च्वज्या व ब्वनेज्याय् तिव्रता वल ।
  
व्यक्तिगत जीवनी
वय्‌कःया जन्म नेपाल सम्बत ९७८ थिंलाथ्व चौथी खुनु जुगु ख । वय्‌कःया अबुया नां मुक्तानन्द बज्राचार्य व मांया नां थकुमति बज्राचार्य ख। वय्‌कःया थाय्‌बाय्‌ येँया ॐ बहाःया नःबहिइ दुगु ख। वय्‌कःया इहिपा १५दँय् रत्नप्रभा बज्राचार्य नाप जुगु ख । वय्‌कःया लजगाः व्यापार व सरकारी ज्या ख। वय्‌कः नेपाल सम्बत १०५५ थिंलाथ्व चौथी खुनु मदिया दिल। 

सफूत
निष्ठानन्दयात नेपालभाषा साहित्य ख्यलय् गद्यगुरु कथं नालेगु याः । वय्‌कलं पिथनादीगु सफूत थ्व कथं दु- 

प्रज्ञापारमिता
अष्ट सहस्रिका प्रज्ञापारमिताया नामं ध्वायातगु थ्व सफू या न्हापांगु २१पु संस्कृत स्लोकयात नेपालभाषाय् अनुवाद यानातगु ख। थ्व सफू देवनागरीं ने॰सं॰ १०२९य् प्रकाशित जुगु ख। 

ललितविस्तर
ने॰सं॰ १०३४य् वय्‌कःलं थगु हे छेय् प्रकाशित यानादिगु सफू। थ्व ग्रन्थय् वय्‌कलं गौतम बुद्धं न्ह्यथनादीगु प्रतीत्य समुत्पाद, चतुः आदि सत्य, आर्य अष्टांगिक माग्ग आदि विचाःयात सर्वसाधारणतेसं थुइगु भाषय् अनुवाद यानादिल। 


Photo by Nripendra Lal Shrestha

वोधिचर्यावतार 
वोधिज्ञान
थ्व सफू ने॰सं॰ १०४३य् प्रकाशित जुगु 
ख। वय्‌कलं थ्व सफुलिइ अतिकं परिमार्जित गद्य छ्यलातःगु दु ।

Source : http://new.wikipedia.org/wiki/

No comments:

Post a Comment